Poezia e re

Çdo gjë kalon

Era pamëshirshëm bart gjethet

Si në një valle vjeshtore që na duket se kurrë nuk mbaron

Por, vjen dimri dhe vjeshta me vallen e saj shkon

Në këtë jetë çdo gjë kalon.

………………………………………………………….

Çdo furtunë që vie jetën na e shkund e trazon

Ne na duket se acari kurrë nuk mbaron

Por, ashtu si vjen ashtu edhe shkon

Në këtë jetë çdo gjë kalon.

………………………………………………………….

Kur në jetë na vijnë sfidat e mundimet

Na ngushtohet bebza e syve e mendja stopon

Edhe pse shumë vjeshta e dimra kemi kaluar, harrojmë

Se në këtë jetë çdo gjë kalon.

………………………………………………………….

Vetëm gjurmët e fjalëve, në letrat e zverdhura qëndrojnë

Vepra sado e vogël por me shpirt, me shpirtin jeton

Njeriu edhe pse më i fortë se guri

Më në fund, tekefundit, krejt në fund këtë e kupton

Se në këtë jetë çdo gjë kalon.

1 Shkurt, 2026

Lexo poezitë e tjera

Libri më i ri

TINGUJT
E ERËS

Tingujt e erës” është përmbledhja me lirikat e autorit Muzafer Ramiqi. Ky botim vjen si një vazhdë projektuese për një lexues shumë të përzgjedhur nga plasaritjet e rrepta të postmodernizmit në jetë e stërngarkuar të brezit që po stepet para ikjes së pamatshme të kohës që ka sjellë vetmi, lakmi, depresion, mospërmbushje e ikje madje edhe nga vetvetja.

Zhytuni në peizazhin zanor poetik të librit më të ri të Muzafer Ramiqit dhe lëreni zërin e erës t’ju udhëheqë mendimet.

Lexo botimin online

Mirë se vini në botën e poezisë dhe fjalëve të Muzafer Ramiqit.

Lindur në vitin 1967 në Pozheran, Kosovë, Muzafer Ramiqi është një poet dhe shkrimtar i pasionuar, vargjet e të cilit kapërcejnë kufijtë e gjuhëve dhe kulturave. Me një formim në Menaxhimin e Burimeve Njerëzore dhe një përkushtim të përjetshëm ndaj letërsisë, ai ka botuar katër përmbledhje poetike dhe ka kontribuar në shumë antologji e revista letrare, si në gjuhën shqipe ashtu edhe në gjuhë ndërkombëtare, përfshirë anglishten, frëngjishten, rumanishten dhe kinezishten. Krijimet e tij përshkohen nga dashuria, kujtesa dhe thellësitë e heshtura të ndjenjave njerëzore.

Biografi e shkurter

Muzafer Ramiqi

Muzafer Ramiqi është një poet shqiptar, vargjet e të cilit ndërthurin gjuhë, kultura dhe emocione, duke kapur të vërtetat e qeta të jetës përmes imazheve të fuqishme poetike.

I lindur në Pozheran në vitin 1967, Muzaferi ia ka kushtuar jetën poezisë dhe letërsisë. Ai ka botuar disa përmbledhje poetike që eksplorojnë dashurinë, kujtesën dhe thelbin e përvojës njerëzore, ndërsa veprat e tij janë përkthyer në disa gjuhë të huaja. Përveç krijimtarisë, ai ka kontribuar si redaktor dhe përkrahës i letërsisë, duke ndihmuar në nxjerrjen në pah të zërave të rinj në skenën letrare.

Lexo më shumë

Botime

Redaktime dhe Recenzione